«Я хочу выразить слова благодарности всем «мамам» за их благодарный труд и человеческий подвиг. Поблагодарить всех, кто причастен к этому благородному делу. Самая большая награда для нас, чтобы эти дети стали достойными гражданами Казахстана»
Нурсултан Назарбаев
«Үржар балаларға арналған арнайы әлеуметтік қызмет көрсету орталығы» КММ-де Ұлы Жеңіс мерекесінің 80 жылдығына орай «Ұлылар ұмытпайтын Ұлы Жеңіс!» атты мерекелік іс-шарасы өтті.
Іс-шараның мақсаты: Ұлы Жеңістің 80 жылдық мерекесіне байланысты қызмет алушыларды өз Отанын, елін, жерін сүюге, қаһарлы күндердегі халқымыздың үлгі тұтарлық қасиетін мақтан ете отырып, тәуелсіз еліміздің туын биікке көтеруге, Қазақ елінің майданда көрсеткен ерен ерлігін құрметтеп, жас ұрпақты ұмытпауға, елжандылыққа, Отанын қорғай білуге тәрбиелеу.
Аталған іс-шара орталық мамандарының әдеби монтажымен басталып, «Соғыстың соңғы көктемі» атты сахналық көрінісімен жалғасты. «Жас өркен», «Ұландар», «Балдәурен» тобының қызмет алушылары тақырып аясында жаттаған өлең-тақпақтарын оқыды.
Орталығымыздың өнерлі өрендері Искакова А «Ақ көгершін», Жұмабек Е «Отан», Еркін Н «Бейбіт күн тілегі», Серғалиева Д «Жеңіс, Жеңіс ғаламат күн» әндерін шырқады. Мамандарымыз Галина Тоцких «Варварство» өлеңін тебірене оқып, «Верните память», Махмудова С «Синий платочек» әндерін орындап, көрерменнің қошеметіне бөленді.
Шара соңында орталығымыздың директоры Селиханова Салтанат Қаймолдақызы және орталық әдіскері Абдрахманова Гүлнар Акбарқызы Ұлы Жеңіс мерекесімен барша қатысушылар мен көрермендерді шын жүректен құттықтап , ыстық алғысы мен жүрек жарды лебіздерін білдірді.
